mujhe tum mil ga_e hamadam sahaaraa ho to aisaa ho
jidhar dekhuu.N udhar tum ho nazaaraa ho to aisaa ho
mujhe tum mil ga_e ...

kisii kaa chaa.Nd saa cheharaa nazar se chuum letii huu.N -2
Kushii kii intahaa.N ye hai nashe me.n jhuum letii huu.N -2
hu_ii taqadiir bhii roshan sitaaraa ho to aisaa ho
jidhar dekhuu.N udhar ...

udhar dil hai idhar jaa.N hai ajab mushkil kaa saamaa.N hai -2
labo.n par muskaraahaT hai magar saa.Nso.n me.n tuufaa.N hai -2
ye mai.n jaanuu.N yaa tum jaano ishaaraa ho to aisaa ho
jidhar dekhuu.N udhar ...