kal raat zindagii se mulaaqaat ho ga_ii
lab tharatharaa rahe the magar baat ho ga_ii
kal raat zindagii ...

ek husn saamane thaa qayaamat ke ruup me.n
ek Kvaab jalvaagar thaa haqiiqat ke ruup me.n
cheharaa vahii gulaab kii ra.ngat li_e hu_e
nazare.n vahii payaam-e-muhabbat li_e hu_e
zulfe.n vahii ki jaise dhu.Ndhalakaa ho shaam kaa
aa.Nkhe.n vahii jin aa.Nkho.n pe dhokhaa ho jaam kaa
kuchh der ko tasallii-e-jazbaat ho ga_ii
lab tharatharaa rahe ...

dekhaa use to daaman-e-ruKsaar nam bhii thaa
vallaah usake dil ko kuchh ehasaas-e-Gam bhii thaa
the usakii hasarato.n ke Kazaane luTe hu_e
lab par ta.Dap rahe the fasaane ghuTe hu_e
kaa.NTe chubhe hu_e the sisakatii uma.ng me.n
Duubii hu_ii thii phir bhii vo vafaa_o ke ra.ng me.n
dam bhar ko Katm gardish-e-haalaat ho ga_ii
lab tharatharaa rahe ...

e merii ruuh-e-ishq merii jaan-e-shaayarii
dil maanataa nahii.n ki tuu mujhase bichha.D ga_ii
maayuusiyaa.N hai.n phir bhii mere dil ko aas hai
mahasuus ho rahaa hai ke tuu mere paas hai
samajhaa_uu.N kis tarah se dil-e-beqaraar ko
vaapas kahaa.N se laa_uu.N mai.n guzarii bahaar ko
majabuur dil ke saath ba.Dii ghaat ho ga_ii
lab tharatharaa rahe ...