log mujhe paagal kahate hai.n galiyo.n me.n baazaaro.n me.n
mai.nne pyaar kiyaa hai mujhako chunawaa do diiwaaro.n me.n

har panaghaT par mere fasaane chaupaalo.n me.n zikr meraa
merii hii baate.n hotii hai.n bastii me.n chaubaaro.n me.n

duniyaa waalo kuchh to mujhako merii wafaa kii daad mile
mai.nne dil ke phuul ke khilaaye sholo.n me.n a.ngaaro.n me.n

giit hai yaa aaho.n kaa dhuwaa.N hai naGamaa hai yaa dil kii ta.Dap
itanaa dard kahaa.N se aayaa saazo.n kii jha.nkaaro.n me.n