mahafil me.n baar baar kisii par nazar ga_ii
hamane bachaa_ii laakh magar phir udhar ga_ii
unakii nazar me.n ko_ii jaaduu zuruur hai
jis par pa.Dii usii ke jigar tak utar ga_ii
us bewafaa kii aa.Nkh se aa.Nsuu chhalak pa.De
hasarat bharii nigaah ba.Daa kaam kar ga_ii
unake jamaal-e-ruK pe unhii.n kaa jamaal thaa
wo chal diye to raunak-e-shaam-o-sahar ga_ii
unako Kabar karo ke hai 'bismil' qariib-e-marG
wo aaye.nge zuruur jo un tak Kabar ga_ii
|