saKtiyaa.N karataa huu.N dil par Gair se Gaafil huu.N mai.n
haay kyaa achchhii kahii zaalim huu.N mai.n jaahil huu.N mai.n

mai.n jabhii tak thaa ke terii jalawaa-pairaa_ii na thii
jo numuud-e-haq se miT jaataa hai wo baatil huu.N mai.n

bazm-e-hastii apanii aaraa_ish pe tuu naazaa.N na ho
tuu to ik tasviir hai mahafil kii aur mahafil huu.N mai.n

Dhuu.NDhataa phirataa huu.N ai 'iqabaal' apane aap ko
aap hii goyaa musaafir aap hii ma.nzil huu.N mai.n