aa.Nkho.n me.n kisii kii kho kar mai.n sapano.n se dil bahalaataa huu.N
ummiid ke bujhate diipak se jiivan kaa diip jalaataa huu.N

shabanam kii nanhii buu.Ndo.n me.n raato.n kii javaanii Duub ga_iii
ik mai.n huu.N muqaddar kaa maaraa ashko.n me.n Duub na paataa huu.N

sunataa huu.N ke patthar rote hai.n ulfat jab ashk bahaatii hai
ro do na kahii.n tum ai sa.ngadil ye soch ta.Dap mai.n jaataa huu.N

kyaa Kuub tumhaaraa ba.ndhan hai sau janm nichhaavar hai.n jis par
jitanaa mai.n use sulajhaataa huu.N utanaa hii ulajhaa jaataa huu.N