tere bin suunii, nain hamaare 
haay! tere bin suunii
baaT takat gaye saa.Njh sakhaare
haay! tere bin suunii

raat jo aaye Dhal jaaye pyaasii
din kaa hai duujaa naam udaasii
nindiyaa na aaye ab mere dvaare
haay! tere bin suunii   ...

jag me.n rahaa mai.n jagase paraayaa
saayaa bhii meraa mere saath na aayaa
ha.Nsane ke din bhii roke guzaare
haay! tere bin suunii   ...

o anadekhe, o anajaane
chhup ke na gaa ye prem taraane
kaun hai tuu mohe ab to bataa re
haay! tere bin suunii   ...