mere dil kabhii to ko_ii aayegaa
hamadam jo teraa ban jaayegaa

ai beqaraar ab i.ntazaar
kuchh ra.ng laa rahaa hai
kahataa hai pyaar teraa raazadaar
tere paas aa rahaa hai

hogii hasiin vo chaa.Nd raat
ham saath saath ho.nge
barasegaa nuur Kushiyo.n me.n chuur
haatho.n me.n haath ho.nge

badalegaa daur kuchh der aur
tuu Gam kaa zahar pii le
hogaa milaap phir apane aap
jaise bhii chaahe jii le

mere dil ...