ha.Nse Tim Tim Tim chhoTe chhoTe taare
kahe cha.ndaa bhii aajaa aajaa aa re
teraa naam le pukaare tujhe nii.nd kii parii
(sojaa sojaa re mere pyaare)-2

bagiyaa me.n soye jaise ge.ndaa gulaab
soye jaa laal merii godii me.n
saagar me.n siip jaise ma.ndir me.n diip
miira gopaal merii godii me.n
saagar ke paar, niile saagar ke paar
din Duubaa, Duub gaye din ke ra.ng
tuu sojaa re mere pyaare
sojaa sojaa re mere pyaare
ha.Nse Tim Tim Tim ...

sapano.n kii nagarii me.n tere hii giit
gaatii hai taaro.n kii raanii
kaliyo.n pe shabnam ke motii bhiker
kahatii hai taaro.n kii raanii
ba.nsii ke taan, soye gokul ke shyaam
rakhavaale raam rahe tere sa.ng
tuu sojaa re mere pyaare
sojaa sojaa re mere pyaare
ha.Nse Tim Tim Tim ...