dil me.n ab dard-e-muhabbat ke sivaa kuchh bhI nahii.n 
zindagii merI ibaadat ke sivaa kuchh bhI nahii.n 

mai.n terI barah-gah-e-naaz me.n kyA pesh karuu.n 
merI jholii me.n muhabbat ke sivaa kuchh bhI nahii.n 

ai khudaa mujhase nA le mere gunAho.n kA hisaab 
mere paas ashq-e-nadamat ke sivaa kuchh bhI nahii.n 

vo to miT kar mujh ko mil hii gayii raahat varanaa 
zindagii ranz-o-musiibat ke sivaa kuchh bhI nahii.n