do roz me.n vo pyaar kaa aalam uja.D gayaa
barabaad karane aayaa thaa barabaad kar gayaa
do roz me.n

bas itanii sii hai daastaa.n bachapan ke pyaar kii -2
do phuul khilate khilate hii gulashan uja.D gayaa
gulashan uja.D gayaa
do roz me.n ...

leke sahaaraa yaad kaa kab tak koI jiye - 2
ai maut aa ke zindagii se dil hii bhar gayaa
dil hii bhar gayaa
do roz me.n ...

siine me jab kisiike dha.Dakataa thaa dil meraa - 2
vo din kahaa.N gae vo zamaanaa kidhar gayaa
zamaanaa kidhar gayaa
do roz me.n ...