tuune meraa duudh piyaa hai tuu bilkul mere jaisaa hai
tujhame.n hai khuun meraa tuu bilkul mere jaisaa hai

( maa.N ke laa.D kii tuu hai kahaanii baap ke pyaar kii tuu hai nishaanii -2
ham dono.n kaa dhyaan tuu rakhanaa apane ghar kii shaan tuu rakhanaa
tuu beTe kaa farz nibhaanaa tujhe maine janm diyaa hai
tuu bilkul mere jaisaa hai -2

apane bachapan kaa hai ye zamaanaa yaad tuu rakhanaa bhuul na jaanaa
mere bu.Dhaape kaa tuu hai sahaaraa merii ummiido.n kaa tuu hai sahaaraa
mere saare kaam tuu karanaa
uu.Nchaa meraa naam tuu karanaa tujhe meraa naam milaa hai
tuu bilkul mere jaisaa hai -2