sa.nsaar se bhaage phirate ho
bhagawaan ko tum kyaa paa_oge
is log ko bhii apanaa naa sake
us lok me.n bhii pachhataa_oge
sa.nsaar se bhaage phirate ho

( ye paap hai kyaa ye puNy hai kyaa
riito.n par dharm kii mohare.n hai.n ) -2
riito.n par dharm kii mohare.n hai.n
har yug me.n badalate dharmo.n ko
kaise aadarsh banaa_oge
sa.nsaar se bhaage phirate ho

( ye bhog bhii ek tapasyaa hai
tum tyaag ke maare kyaa jaano ) -2
tum tyaag ke maare kyaa jaano
apamaan rachetaa kaa hogaa
rachanaa ko agar Thukaraa_oge
sa.nsaar se bhaage phirate ho

( ham kahate hai.n ye jag apanaa hai
tum kahate ho jhuuThaa sapanaa hai ) -2
tum kahate ho jhuuThaa sapanaa hai
ham janam bitaa kar jaaye.nge
tum janam ga.Nvaa kar jaa_oge

sa.nsaar se bhaage phirate ho
bhagawaan ko tum kyaa paa_oge
sa.nsaar se bhaage phirate ho