mere dil me.n aaj kyaa hai
tuu kahe to mai.n bataa duu.N
terii zulf phir savaaruu.N
terii maa.Ng phir sajaa duu.N
mere dil me.n ...

mujhe devataa banaakar, terii chaahato.n ne puujaa - (2)
meraa pyaar kah rahaa hai,
mai.n tujhe khudaa banaa duu.N
terii zulf phir ...

koI Dhuu.NDhne bhii aae, to hame.n naa Dhuu.N.Dh paae - (2)
tuu mujhe kahii.n chhupaa de,
mai.n tujhe kahii.n chhupaa duu.N
terii zulf phir ...

mere baazuo.n me aakar, teraa dard chain paae - (2)
tere gesuo.n me chhupakar,
mai.n jahaa.N ke Gam bhulaa duu.N
terii zulf phir ...