raat ko chupake se aataa hai ik farishtaa
kuchh Kushiyo.n ke lamhe laataa hai ik farishtaa
kahataa hai sapano.n ke aaGosh me.n kho jaa_o
tum bhuul ke Gam saare chupake se so jaa_o

mai.n muu.Nd ke palako.n ko jaane kab so jaatii huu.N
anajaanii nagarii me.n kahii.n gum ho jaatii huu.N

mai.n chaahuu.N sapano.n me.n bas saath tumhaaraa ho -2
( in mere haatho.n me.n ) -2 haath tumhaaraa ho
mai.n chaahuu.N sapano.n me.n bas saath tumhaaraa ho

giito.n kii rimajhim me.n chaahat ke mausam me.n
tum hamase milate ho ham tumase milate hai.n
din-raat badalate hai.n haalaat badalate hai.n
har ik pal har ik lamhaa ham sa.ng-sa.ng chalate hai.n
phir subah hotii hai aur TuuTate hai.n sapane
naa jaane aise kyo.n ruuThate hai.n sapane
tum tanahaa rahate ho mai.n tanahaa rahatii huu.N
ek baar nahii.n sau baar mai.n phir bhii kahatii huu.N
mai.n chaahuu.N sapano.n me.n bas saath tumhaaraa ho

anajaanii raaho.n me.n jiivan kii baa.Nho.n me.n
kabhii sukh bhii milate hai.n kabhii dukh bhii milate hai.n
kal kisane dekhaa hai kal kisane jaanaa hai
taqadiir ke ye afasaane ham sabako chhalate hai.n
kabhii Kvaahish is dil kii yahaa.N puurii hotii hai
kabhii Kvaahish is dil kii dil me.n hii rahatii hai
pal-pal ye safar lekin chalataa hii rahataa hai
har saa.Ns me.n ek ra.ng nayaa bharataa hii rahataa hai
mai.n chaahuu.N sapano.n me.n bas saath tumhaaraa ho -2
( in mere haatho.n me.n ) -2 haath tumhaaraa ho
mai.n chaahuu.N sapano.n me.n bas saath tumhaaraa ho
mai.n chaahuu.N sapano.n me.n