( ham pe ilzaam ye kyuu.N hai
ki mohabbat kii hai ) -2
hamane to aapako puujaa hai
ibaadat kii hai
ham pe ilzaam ye kyuu.N hai
ki mohabbat kii hai

( hamane kab aapase maa.Ngaa hai
wafaa_o.n kaa silaa ) -2
( kab sunaa aapane hamase ko_ii
shiqawaa yaa gilaa ) -2
( hamane kab dil ke ta.Dapane kii
shiqaayat kii hai ) -2

hamane to aapako puujaa hai
ibaadat kii hai

( Gam nahii.n isakaa agar aap
hamaare naa huye ) -2
( Gam to ye hai ke tumhaare bhii
tumhaare na huye ) -2
( aapane jinake liye aaj ye
haalat kii hai ) -2

hamane to aapako puujaa hai
ibaadat kii hai
ham pe ilzaam ye kyuu.N hai
ki mohabbat kii hai