kal jalegaa chaa.Nd saarii raat
raat bhar hotii rahegii aag kii barasaat

baj rahe the ghu.Ngharuu jo baadalo.n ke paa.Nv me.n
kal vahii ro_e.Nge jhar-jhar aasmaa.N kii chhaa.Nv me.n
kah na paa_e.Nge sitaare apane dil kii baat
kal jalegaa chaa.Nd ...

tum udhar so jaa_oge sapano.n ke miiThe raag me.n
mai.n idhar jalatii rahuu.Ngii chaa.Ndanii kii aag me.n
Kuun ban kar dil bahegaa aa.Nsu_o.n ke saath
kal jalegaa chaa.Nd ...