aa aa dil lene kii rut aa_ii dil dene kii rut aa_ii
jogan pe joban aayaa joban ne lii a.nga.Daa_ii
dil lene kii rut aa_ii ...

mujhako jo ho gayaa hai kyaa isakaa naam hai
kahate hai.n pyaar isako par ye badanaam hai
to mujhako badanaam kar do paka.Do merii kalaa_ii
jogan pe joban aayaa ...

dil chaahe baa.ndhuu.n paayal naachuu.n mai.n jhuumake
ko_ii nishaanii de do rakh luu.n mai.n chuum ke
tum maa.ngo jaan de duu.n de ke mai.n raam duhaa_ii
are jogan pe joban aayaa ...

Dolii baaraat meha.ndii aisaa din aaj kaa
ye sun ke to.D aa_ii paharaa mai.n laaj kaa
zulfo.n ke ghuu.nghaT me.n tuu dulhan ban ke sharamaa_ii
jogan pe joban aayaa ...