aisaa ko_ii zi.ndagii se vaadaa to nahii.n thaa
tere binaa jiine kaa iraadaa to nahii.n thaa
aisaa ko_ii ...

o tere li_e raato.n me.n chaa.Ndanii ugaa_ii thii
kyaariyo.n me.n khushbuu kii roshanii lagaa_ii thii
jaane kahaa.n TuuTii hai Dor mere khvaab kii
khvaab se jaage.nge sochaa to nahii.n thaa
aisaa ko_ii ...

o shaamiyaane shaamo.n ke roz hii sajaa_e the
kitanii ummiido.n ke mehamaa.n bulaa_e the
aake daravaaze se lauT ga_e hai.n
yuu.n bhii ko_ii aa_egaa sochaa to nahii.n thaa
aisaa ko_ii ...