pyaar ke ra.ng me.n sai.nyyaa morii ra.ng de chunariyaa
khel na dil kii holii terii baalii hai umariyaa

malanaa ho na laal kesarii na piilaa naa kaalaa ho
aisaa ho vah ran.g priit kaa jis me.n jaaduu Daalaa ho
aaj khelane priit kii holii aayii re saa.Nvariyaa
pyaar ke ra.ng me.n ...

ra.ng ho dil ke armaano.n kaa naino.n kii pichakarii
dekh chunariyaa merii sai.nyya vaarii duniyaa saarii
ra.ng ho dil ke armaano.n kaa naino.n kii pichakarii ho
dekh chunariyaa merii sai.nyya vaarii duniyaa saarii ho
holii ke din baat merii le maan saa.Nvariyaa
pyaar ke ra.ng me.n ...