sa : ye na thii hamaarii qisamat ki visaal-e-yaar hotaa
nuu : agar aur jiite rahate yahii i.ntazaar hotaa
ye na thii hamaarii qisamat
ko_ii mere dil se puuchhe
ko_ii mere dil se puuchhe tire tiir-e-niim-kash ko
tiir-e-niim-kash ko
ye Kalish kahaa.N se hotii jo jigar ke paar hotaa
ye na thii hamaarii qisamat
sa : yeh kahaa.N kii dostii hai ke bane hai.n dost naaseh
ke bane hai.n dost naaseh
ko_ii chaaraasaaz hotaa ko_ii Gam-gusaar hotaa
ye na thii hamaarii qisamat
nuu : kahuu.N kisase mai.n ke kyaa hai
kahuu.N kisase mai.n ke kyaa hai shab-e-Gam burii balaa hai
shab-e-Gam burii balaa hai
mujhe kyaa buraa thaa maranaa agar ek baar hotaa
ye na thii hamaarii qisamat ki visaal-e-yaar hotaa
|