aa.Nkh pa.Datii hai kahii.n paa.Nv kahii.n pa.Dataa hai
sabakii hai tumako Kabar apanii Kabar kuchh bhii nahii.n

shamaa hai, gul bhii hai, bulabul bhii hai, parawaanaa bhii
raat kii raat ye sab kuchh hai sahar kuchh bhii nahii.n

hashr kii dhuum hai sab kahate hai.n yuu.N hai yuu.N hai
fitanaa hai ek terii Thokar kaa magar kuchh bhii nahii.n

reKtii kii hai mujhse kuuch-e-hastii me.n talaash
pair karataa huu.N udhar kii ke jidhar kuchh bhii nahii.n