% prelude
guzar to jaayegii tere baGair bhii lekin
bahut udaas bahut beqaraar guzaregii

bhuulii hu_ii sadaa huu.N mujhe yaad kiijiye
tumase kahii.n milaa huu.N mujhe yaad kiijiye

ma.nzil nahii.n huu.N Kizr nahii.n raahazan nahii.n huu.N
ma.nzil kaa raastaa huu.N mujhe yaad kiijiye

merii nigaah-e-shauq se har gul hai devataa
mai.n ishq kaa Kudaa huu.N mujhe yaad kiijiye

naGmo.n kii ibtidaa thii kabhii mere naam se
ashqo.n kii i.ntihaa.N huu.N mujhe yaad kiijiye

gumasum kha.Dii hai.n dono.n jahaa.N kii haqiiqate.n
mai.n unase kah rahaa huu.N mujhe yaad kiijiye

'saagar' kisii ke husn-e-taGaaful-sha_aar kii
bahakii hu_ii adaa huu.N mujhe yaad kiijiye