tum bin jiivan kaise biitaa,
puuchho mere dil se,  puuchho mere dil se

saavan ke din aae,  biitii yaade.n laae
kaun jhukaakar aa.Nkhe.n,  mujhako paas biThaae
kaisaa thaa pyaaraa ruup tumhaaraa,
puuchho mere dil se,  puuchho mere dil se
tum bin jiivan ...

prem kaa saagar haay, chaaro.n taraf laharaae
jitanaa aage jaauu.N,  gaharaa hotaa jae
Gam ke bha.nvar me.n,  kyaa kyaa Duubaa,
puuchho mere dil se,  puuchho mere dil se
tum bin jiivan ...

jaise juganuu ban me.n,  tuu chamake a.nsuvan me.n
ban kar phuul khilii ho,  jaane kis bagiyan me.n
mai apanii qismat pe royaa,
puuchho mere dil se,  puuchho mere dil se
tum bin jiivan ...