pyaar par bas to nahii.n hai meraa, lekin phir bhii
tuu bataa de ke tujhe pyaar karuu.N yaa naa karuu.N
pyaar par bas to nahii.n hai ...
tuune Kud apanii nigaaho.N se jagaayaa thaa jinhe.N (2)
un tamannaao.n kaa izahaar karuu.N yaa naa karuu.N
tuune jis dil ko ba.De pyaar se apanaayaa thaa (2)
usako shikavo.N kaa gunahagaar karuu.N yaa naa karuu.N (2)
pyaar par bas to nahii.N hai meraa, lekin phir bhii
tuu bataa de ke tujhe pyaar karuu.N yaa naa karuu.N
pyaar par bas to nahii.n hai ...
jis tamannaa ke sahaare pe thii jeene kii ummiid (2)
wo tamannaa bhii pashemaan huii jaatii hai
zindagii yuu.N to hameshaa se pareshaan sii thii (2)
ab to kuchh aur bhii viiraan huii jaatii hai (2)
pyaar par bas to nahii.n hai meraa, lekin phir bhii
tuu bataa de ke tujhe pyaar karuu.N yaa naa karuu.N
pyaar par bas to nahii.n hai ...
|