kahii.n sher-o-naGmaa ban ke kahii.n aa.Nsuo.n me.n Dhal ke
wo mujhe mile to lekin mile suurate.n badal ke

ye wafaa kii sakht raahe.n, ye tumhaare paa-e-naazuk
na lo i.ntaqaam mujhase, mere saath saath chal ke

ye chiraag-e-a.njuman to hai.n ek shab ke mehamaa.N
tuu jalaa wo shammaa ai dil jo bujhe kabhii na jal ke

na to hosh se ta'arruf, na junuu.N se aashanaaii
ye kahaa.N pahu.Nch gaye ham terii bazm se nikal ke