ye raat bahut ra.ngiin sahii
ye raat bahut ra.ngiin sahii, is raat me.n Gam kaa zahar bhii hai
naGamo.n kii khanak me.n Duubii hu_ii, fariyaad-o-fuGaa.N kii lahar bhii hai
ye raat bahut ra.ngiin sahii
tum raqs karo mai.n sher pa.Dhuu.N, matalab to hai kuchh Kairaat mile
is qaum ke bachcho.n kii Kaatir, kuchh sikko.n kii sauGaat mile
sikke to karo.Do.n Dhal-Dhalakar, Takasaal se baahar aate hai.n
kin vaaro.n me.n kho jaate hai.n, kin pardo.n me.n chhup jaate hai.n
ye zulm nahii.n to phir kyaa hai, paise se to kaale dha.ndhe ho.n
aur mulk kii vaaris naslo.n kii taaliim kii Kaatir cha.nde ho.n
ab kaam nahii.n chal sakane kaa, raham aur Kairaat ke naare se
is des ke bachche anapa.Dh hai.n, daulat ke Galat ba.NTavaare se
badale ye nizaam-e-zaradaarii, badale ye nizaam-e-zaradaarii
kah do ye siyaasatadaano.n se, ye masa'alaa hal hone kaa nahii.n
kaaGaz pe chhape e'laano.n se
ye masa'alaa hal hone kaa nahii.n, kaaGaz pe chhape e'laano.n se
ye raat bahut ra.ngiin sahii, is raat me.n Gam kaa zahar bhii hai
ye raat bahut ra.ngiin sahii
|