kab meraa nasheman ahal-e-chaman gulashan me.n ga.Nvaaraa karate hai.n
gu.Nche apanii aavaazo.n me.n bijalii ko pukaaraa karate hai.n

po.nchho na araq ruKsaaro.n se ra.ngiinii-e-husn ko ba.Dhane do
sunate hai.n ki shabanam ke qatare phuulo.n ko nikhaaraa karate hai.n

jaatii huii maiyyat dekh ke bhii allah tum uTh kar aa na sake
do chaar qadam to dushaman bhii taqaliif ga.Nvaaraa karate hai.n

ab nazaa kaa aalam hai mujh par tum apanii muhabbat vaapas lo
jab kashtii Duubane lagatii hai to bojh utaaraa karate hai.n