saarii khushiyaa.N hai.n muhabbat kii zamaane ke liye
mai.n ne to pyaar kiyaa aa.Nsuu bahaane ke liye
saarii khushiyaa.N hai.n   ...

kaash ye jazabaa-e-dil kaam to aa jaataa kabhii
unake ho.nTho.n pe meraa naam to aa jaataa kabhii
yaad kar lete mujhe bhuul hii jaane ke liye
saarii khushiyaa.N hai.n   ...

khuun-e-dil khuun-e-jigar khuun-e-tamannaa ke sivaa
saarii duniyaa me.n mujhe ra.ng na koii bhii milaa
apane aramaano.n kii tasaviir banaane ke liye
saarii khushiyaa.N hai.n   ...