dil le ke bhulaa denaa ik khel tumhaaraa hai
tum ko to nahii.n kuchh bhii nuqsaan hamaaraa hai

ye jhuuTii tasallii jo biimaar ko dete ho
ik Duubane vaale ko tinake kaa sahaaraa hai

mai.n aur tujhe dekhuu.N ye taab kahaa.N mujh me.n
zaalim terii suurat ne aa.Nkho.n ko ubhaaraa hai

faiyyaaz bas ab unako ham unase hii maa.Nge.nge
yuu.N daaman-e-dil unake qadamo.n pe pasaaraa hai