ho.nTho.n se gul_fishaa.N hai.n vo aa.Nkho.n se ashq_baar ham
saavan se vo hai.n bekhabar begaanaa-e-bahaar ham

arsh kii ye bulandiyaa.N farsh kii bastiyo.n se hai
un ka guruur dekh kar ban gaye khaaq_saar ham
ho.nTho.n se gulfishaa.N hai.n vo ...

paravaanaa jaa ke jab giraa sholaa to kaa.Np kaa.Np uThaa
us pe na kuchh asar huaa jis pe hue nisaar ham
ho.nTho.n se gulfishaa.N hai.n vo ...

pii hai kisii kii bazm me.n itanii ki phir na uTh sake
hosh-o-havaas kuchh nahii.n kitane hai.n hoshiyaar ham
ho.nTho.n se gulfishaa.N hai.n vo ...