darda_ma.ndo.n kaa jahaa.N me.n   aasaraa koii nahii.n
bewafaa saaraa zamaanaa   baawafaa koii nahii.n
  bewafaa saaraa zamaanaa

roke aa.Nkhe.n puuchhatii hai.n   mere dil se baar baar
ibtidaa rone kii hai, kyaa    i.ntihaa koii nahii.n?
  ibtidaa rone kii hai, kyaa

jab umiido.n ne ye puuchhaa   ab tumhaaraa kaun hai
aarazuu_o.n ne ta.Dap kar     yuu.N kahaa koii nahii.n
  aarazuu_o.n ne ta.Dap kar

kyaa kahe.n kisase kahe.n  kyuu.Nkar kahe.n kaise kahe.n
sunanewaalaa daastaan-e-dard kaa koii nahii.n
  dardama.ndo.n kaa jahaa.N me.n