jaa kahiyo unase nasiim-e-sahar meraa chain gayaa merii nii.nd gaii
tumhe.n merii na mujhako tumhaarii Khabar meraa chain gayaa merii nii.nd
gaii

ai baadashaah-e-Khubaan-e-jahaa.N terii mohanii suurat pe qurbaa.N
kii mai.n ne jo terii jabii.n pe nazar meraa chain gayaa merii nii.nd gaii

huii baad-e-bahaarii chaman me.n ayaa.N gul-buuTe me.n baaqii rahii na
fizaa merii shaaKh-e-ummiid na aaii sa.Nvar meraa chain gayaa merii
nii.nd gaii

ai barq-e-tajalli bahar-e-Khudaa na jalaa mujhe ishq me.n shammaa saa
merii ziist misle-chiraaG-e-sahar meraa chain gayaa merii nii.nd gaii

kahataa yahii ro ro ke "Zafar" merii aah-e-rasaa kaa huaa na asar
terii hijr me.n maut na aaii abhii meraa chain gayaa merii nii.nd gaii