begam janiyaa.N kii godii bharii
hamarii laaDo banii hai parii

dhuume.n chhaTii kii machaao sakhii rii
hilamil ke gaao bajaao sakhii rii
kaahe Dholak kinaare dharii

kaisii chhaTii kii dulhaniyaa hai pyaarii
jo.Daa suhaanaa hai gahanaa hai bhaarii
aao minnat sakhii ham karii

saramaaye naajo lajaaye chhabiilii
dhiire chale jhukake morii lajiilii
dekhe ko taare chhamaachham chalii hai
duudho.n nahaaii hai  puuto.n phalii hai
Kudaa raakhe jam jam yuu.N khetii harii