kaaheko nain milaaye, nain milaanewaale
torii suurat man bhaaye, nain milaanewaale

aaii.n suhaanii chaa.ndanii raate.n
aajaa balam kare.n pyaarakii baate.n
joban biit na jaaye,  nain milaanewaale ...

ruuTh gayii mose nindiyaa-raanii
basame.n nahii.n bechain jawaanii
premakaa rog lagaaye,  nain milaanewaale ...

chhe.D gaye ho jiivan-viiNaa
tujh bin ab mushkil hai jiinaa
yaad terii ta.Dapaaye,  nain milaanewaale ...